„Firring yfirstéttarinnar á Íslandi nær nú hæstu hæðum. Þóra Margrét Baldvinsdóttir, forsætisráðherrafrú landsins, er komin með sinn eigin sjónvarpsþátt.“

Þetta segir Mikael Torfason rithöfundur og einn forsvarsmanna Sósíalistaflokks Íslands, sem verður formlega stofnaður 1.maí næstkomandi. Á Fésbókarsíðu í sinni gerir hann þátt Stöðvar 2 Falleg íslensk heimili sem eru í umsjá Gullu Jónsdóttur arkitekts, Helga Ómarssonar ljósmyndara og Þóru Margrétar Baldvinsdóttur hönnunarráðgjafa, tekur Mikael Þóru Margréti sérstaklega út fyrir sviga og segir:

Þar heimsækir hún aðra Panamaprinsa en manninn sinn og dáist að því hvað þeir eiga falleg heimili. Í þessum þætti hér er hún heima hjá Sigurði Gísla Björnssyni. Hann er á okkar framfæri eins og svo margir ofsaríkir. Hann virðist lifa á kerfinu og er því svokallaður kerfisfræðingur. Sigurður Gísli stofnaði Panamafélag sitt í gegnum lögfræðistofuna Mossack Fonseca og slóð mörg hundruð þúsund evra liggja þangað.

Segir Mikael að það sem hafi borið mest til tíðinda í þessum þætti væri það að þáttastjórnendur væru svo meningarsnauðir að þau sæu ekki að þessi Sigurður Gísli væri búinn að sanka að sér rjómanum af íslenskri myndlistarsögu:

Hin ríku vita auðvitað ekkert um list. Þau vita ekkert um menningu. Eina sem þau þekkja er peningar. Um það snýst þessi nýi þáttur hennar Þóru Margrétar. Og við, Íslendingar, eigum auðvitað að passa okkur að vera ekki með neina öfund þegar verið er að arðræna okkur.