Í Staksteinum Morgunblaðsins í dag gerir höfundur skipun Árna Páls Árnasonar, fyrrum formanns Samfylkingarinnar í starf stjórnarformanns Tryggingastofnunnar af hendi Þorsteins Víglundssonar, félags og jafnréttismálaráðherra. Þetta sé augljóslega pólítísk skipun sem bendir að mati höfunda Staksteina til þess að breytingar séu í vændum í landslagi íslenskra stjórnmálaflokka?

Þessi skipan hefur ekki vakið þá athygli, sem vert væri, svo augljóst sem það er, að einhver pólitík liggur að baki,

segir í Morgunblaðinu.

Höfundur Staksteina vill meina að mikill og góður vinskapur sé milli núverandi borgarstjóra Dags B. Eggertssonar og Viðreisnar, það hafi verið öllum ljós fyrir helgina þegar húsnæðisáætlun í samstarfi ríkis og borgar hafi verið tilkynnt.

Þessa skipun fyrrum formanns Samfylkingunnar sem stjórnarformanns Tryggingastofnunar og vinskapurinn milli Dags og ráðherra Viðreisnar, er það vísbending um eitthvað spyr Staksteinahöfundur. Þetta bendi til þess að samgangur sé milli Viðreisnar/Bjartrar framtíðar annars vegar og Samfylkingarinnar hins vegar.

Ekki sé lengur hægt að útiloka að það verði ekki bara Viðreisn og Björt Framtíð, sem renni saman í einn flokk heldur muni Samfylkingin ganga inn í það samstarf.

Þessir þrír flokkar eru sammála um aðeins eitt og það er að Ísland gangi í Evrópusambandið og ef til vill sé önnur sókn með það að markmiði í undirbúningi sem andstæðingar þurfa að búa sig undir eftir fremsta megni.

Það er notalegt þegar sósa sem hefur skilið sig sullast saman aftur,

segir í niðurlagi Staksteina.