Ráðuneytin greiddu rúmlega 2,5 milljarða króna fyrir sérfræðiþjónustu á árunum 2013 til 2015, einkum var um að ræða lögfræðiþjónustu, rekstrarráðgjöf og aðra sérfræðiþjónustu. Ríkisendurskoðun segir að við þessi kaup skorti iðulega á að gerðir væru skriflegir samningar um þjónustuna, að val á verksala væri gagnsætt og að rammasamningar Ríkiskaupa væru nýttir.
Í nýrri stjórnsýsluúttekt Ríkisendurskoðunar, Kaup ráðuneyta á sérfræðiþjónustu hvetur stofnunin ráðuneytin til að bæta varklag sitt og beiti í auknum mæli verðkönnunum, hæfnismati og útboðum til að tryggja hagkvæmni og skilvirkni. Slíkt stuðli einnig að gagnsæi og jafnræði meðal aðila á markaði.
Opinberum aðilum er skylt að bjóða út kaup á sérfræðiþjónustu, að undanskilinni lögfræðiþjónustu, þegar þau fóru umfram 12,4 milljónir króna, í skýrslunni kemur fram að sjaldan hafi reynt á þessa skyldu og oft hafi verið látið líða að nota rammasamninga Ríkiskaupa.
Í skýrslunni eru sérstaklega skoðaðir samningar fjármálaráðuneytisins við lögmannsstofuna Juris slf. sem fékk á tímabilinu 107 milljónir króna greidda frá ráðuneytinu, að stærstum hluta vegna þjóðlendumála. Samningur ráðuneytisins við Juris var komið á árið 2006 með tölvupósti. Hvetur Ríkisendurskoðun ráðuneytið til að endurskoða þann samning.
