Mjög fáir geta staðist barnshlátur, hinn gífurlega smitandi og krúttlega barnshlátur. Mathias fjórburarnir eru sönnun á því en myndband af þeim þegar þær voru ungbörn liggjandi á móðir sinni og hlæjandi í kór vann verðlaun í „America‘s Funniest Home Videos.“ Nokkrum áður síðar þá var myndbandið valið „Fyndnasta myndband allra tíma“ í þættinum og vann fjölskyldan rúmlega 27 milljónir króna.

Stúlkurnar, Grace, Emily, Mary Claire og Anna, voru sex ára þegar myndbandið var valið fyndnasta myndband allra tíma. Í kjölfarið kom fjölskyldan fram í mörgum sjónvarpsviðtölum og spjallþáttum, þar á meðal The Oprah Winfrey Show.

Í dag eru fjórburarnir sextán ára gamlir og fáum við að sjá hvernig þær hafa þroskast og dafnað í þættinum Oprah: Where Are They Now?

Fólk hefur ennþá gaman af myndbandinu,

segir Allison, móðir fjórburana, í þættinum.

Ég held að þetta sé eitt af þessum myndböndum sem þú getur ekki ekki hlegið að. Það er eitthvað við það hvernig þær stoppa og byrja að hlæja aftur í takt. Þetta er svo smitandi hlátur,

segir pabbinn, Steve. Stúlkurnar eru eineggja fjórburar en eftir því sem þær hafa vaxið úr grasi hafa ólík áhugamál þeirra farið með þær mismunandi leiðir.

Þegar þær voru yngri voru þær oftast klæddar eins, en með aldrinum fengu þær að klæða sig sjálfar og í kjölfarið kom einstaklíngsstíll þeirra í ljós. Þær eru ekki að reyna að skera sig frá hvor annarri með klæðnaði eða hári, þó svo að fólk dregur þá ályktun ef þær gera eitthvað öðruvísi en systur sínar. Til dæmis eru þær allar með sítt hár nema Emily og hefur hún fundið fyrir því að fólk telji að hún hafi gert það til að vera „öðruvísi.“

Fólk dregur ályktanir eins og „ég vill bara vera öðruvísi manneskja.“ Ég vildi bara klippa hárið mitt! Ég var ekki einu sinni að hugsa um systur mínar þegar ég vildi klippa á mér hárið,

segir Emily. Það verður áhugavert að fylgjast með fjórburunum í framtíðinni og hvað þær munu afkasta af sér í lífinu. En eitt er öruggt, myndbandið af þeim hlæjandi mun aldrei hætta að kalla fram hlátur í fólki.