Ben Affleck tilkynnti aðdáendum sínum í gær að hann væri kominn úr áfengismeðferð. Hann segist sjálfur hafa drifið sig þar sem gamalkunn munstur og vandræði í umgengni við áfengi höfðu gert vart við sig.
Samkvæmt heimildamönnum sem standa honum nærri fór Ben í meðferð nánast strax eftir Óskarsverðaunahátíðina fyrir um 2 vikum.
Ben hefur áður farið í áfengismeðferð, en árið 2001 fór hann á meðferðarstöðina Promises í Malibu.
Fyrir skömmu fluttum við fréttir af því að Ben og Jennifer Garner væru hætt við að skilja, nú er óljóst hvort þær upplýsingar eru á rökum reistar.
Lestu meira: Jennifer Garner og Ben Affleck hætt við að skilja
Ben segist í tilkynningu sinni vera heppin að hafa ást fjölskyldu og vina, meðal annars barnsmóðurinnar Jennifer, „sem hefur stutt mig og hugsað um börnin okkar á meðan ég hef lagt í þá vinnu sem ég þurfti.“ Að auki segist Ben vilja lífi sínu til fulls og vera eins góður faðir og hann mögulega getur. „Ég vil að börnin mín viti að það er engin skömm af því að sækja sér hjálp þegar maður þarf hana.“
