Phoebe Kannisto á sex drengi sem eru jafn fallegir að innan og þeir eru að utan. Drengirnir sex, Andre tíu ára, eineggja tvíburarnir Silas og Emerson, og fimm ára þríburarnir Herbie, Reed og Dexter, ákváðu allir að safna hári og gefa það síðan til góðgerðamála sem búa til hárkollur fyrir krabbameinsveik börn.
Á mánudaginn var kominn tími til að klippa hárið og fóru þeir á Hizair Hair Salon. Ekki nóg með að hárgreiðslufólkið klippti rúmlega tvo metra af hári þá neituðu þau að taka á móti einhvers konar greiðslu. Að lokum var hárið sent til Children with Hair Loss.
Að klippa hárið var ekki það erfiða við ferlið, strákarnir söfnuðu hári í mörg ár og yfir þann tíma var þeim oft strítt í skólanum fyrir að vera með sítt hár. En sem betur fer þróuðu þeir með sér þykkan skráp fyrir stríðni og ljótum ummælum sem hjálpaði þeim að hunsa gagnrýnina. Þeir einblíndu á markmiðið sem var að hjálpa veikum börnum.
Phoebe sagðist vera svo stolt af drengjunum sínum. „Ég elska að þeir vilja hjálpa öðrum börnum. Þeir eru þegar byrjaðir að sjá fyrir hvað mun taka langan tíma að safna hári til að gefa aftur til góðgerðamála.“
