„Þeir sýndu mér mikinn áhuga og Óli Jó hringdi í mig í morgun og seldi mér í raun þetta bara strax,“ sagði Ólafur Karl Finsen, nýjasti leikmaður Vals eftir að hafa skrifað undir þriggja ára samning við félagið núna rétt í þessu.

Ólafur kemur til liðsins frá Stjörnunni þar sem hann hefur leikið allan sinn feril en hann varð Íslandsmeistari með liðinu árið 2014.

„Hann sagði við mig í morgun að ég væri góður í fótbolta og að ég væri snar klikkaður og þá var þetta í rauninni bara selt.“

„Það var mjög erfitt að yfirgefa Stjörnuna en lífið er eins og það er, sambönd enda og þetta var bara einn af þeim hlutum sem endar. Þetta var búið og það er leiðinlegt en það er ekkert slæmt á milli mín og Stjörnunnar.“

Viðtalið í heild sinni má sjá hér fyrir ofan og neðan.