„Úr því sem komið var þá megum við vera ánægðir með stigið,“ sagði Logi Ólafsson, þjálfari Víkings R. eftir 1-1 jafntefli liðsins í kvöld.

Það var Mikkel Maigaard sem skoraði mark ÍBV í leiknum en Geoffrey Castillion jafnaði metin fyrir heimamenn á 83 mínútu og þar við sat.

„Eftir að hafa lent undir svona snemma þá opnast varnarleikurinn hjá okkur og þeir fengu mörg fín færi sem við náðum að verjast eða þeir náðu að klúðra, það fer eftir því hvernig menn vilja horfa á það.“

„Boltinn þurfti að ganga hraðar og hitta á menn sem eru í eins búningi og þetta var bara alltof kaflaskipt hjá okkur í kvöld.“

Viðtalið í heild sinni má sjá hér fyrir ofan og neðan.