Tony Henry, yfirmaður félagaskipta hjá West Ham hefur verið rekinn úr starfi sínu en þetta var staðfest núna rétt í þessu.
Henry lét hafa það eftir sér að hann vildi ekki fá leikmenn frá Afríku til West Ham þar sem að þeir væru þekktir fyrir að vera með mikið vesen.
Mail heyrði í Henry til þess að fá þetta á hreint og þá sagði hann orðrétt að leikmenn frá Afríku væri með slæmt viðhorf og að þeir væri með vesen ef þeir væru ekki valdir í liðið.
West Ham sendi hann í tímbundið leyfi í gærdag en hefur nú ákveðið að láta hann fara.
