Zlatan Ibrahimovic, framherji Manchester United hefur verið sterklega orðaður við LA Galaxy að undanförnu.

Samkvæmt miðlum á Englandi hefur hann nú þegar samið við bandaríska félagið og á að ganga til liðs við Galaxy í mars.

Jose Mourinho, stjóri United var spurður út í það á blaðamannafundi í dag hvort Svíinn væri á förum til Bandaríkjanna.

„Ég sé hann á hverjum degi, ég vinn ekki beint með honum en ég fylgdist með honum í dag sem dæmi,“ sagði Mourinho.

„Hann hefur aldrei minnst á neitt við mig og ekkert spurt mig um álit þannig að ég geri ráð fyrir því að þessir orðrómar séu bull.“

„Ég geri ráð fyrir því að heyra fréttir frá honum sjálfum og þar sem að ég hef ekki heyrt neitt þá á ég ekki von á því að hann sé að fara neitt,“ sagði Mourinho að lokum.