Allir sem hafa áhuga á bóklestri finna sér tíma til að lesa, jafnvel þótt þeir séu í annasömu starfi. Fræga fólkið á sér sínar uppáhaldsbækur.
Georg prins Litli Bretaprinsinn Georg hefur sérstakt dálæti á bókinni Greppikló eftir Juliu Donaldson. Systir hans Karlotta er einnig sögð hafa þá bók í hávegum.
Donald Trump Jákvæðni og umburðarlyndi hefur ekki geislað frá Trump í kosningabaráttunni vestanhafs en það breytir engu um það að uppáhaldsbók hans er Power of Positive Thinking eftir Norman Vincent Peale.
Jose Mourinho Knattspyrnustjóri Manchester United hefur bók bókanna, Biblíuna, í miklum hávegum.
Stephen King og Barack Obama Uppáhaldsbók Stephen King er Lord of the Flies eftir Nóbelsverðlaunahafann William Golding, en þar er fjallað um lífsbaráttu barna á eyðieyju og illskuna sem þar grefur um sig. Uppáhaldsbók Obama er einnig eftir Nóbelsverðlaunahafa, Söngur Salómons eftir Toni Morrison.
Hillary Clinton Uppáhaldsbók Hillary er Karamazov bræðurnir eftir Dostojevskíj, örugglega ein besta skáldsaga sem skrifuð hefur verið.
Dr. Phil Uppáhaldsbók Dr. Phil er ekkert slor, To Kill a Mockingbird eftir Harper Lee. Meistaraverk sem hefur haft mikil áhrif á þá sem það lesa en þar er fjallað um kynþáttahatur og aðalpersónan Atticus Finch hefur orðið táknmynd umburðarlyndis.
