Í samtali við Morgunblaðið í dag segir Kristján að hann hafi fyrst sótt um stækkun árið 2013, en leyfi hafi ekki fengist fyrr en vorið 2025. Verslunin hafi stækkað úr 100 fermetrum í 600.
„Ég er að sjálfsögðu þakklátur að hafa fengið að byggja, en ferlið tekur of langan tíma. Tíu ár er algerlega galið,“ segir Kristján.
Hann segir biðina hafa kostað fyrirtækið milljónir króna, meðal annars vegna endurtekinna breytinga á teikningum og umsóknum. Þá lýsir hann einnig furðulegri reynslu þar sem honum hafi verið ráðlagt að teikna veitingastað inn í bygginguna til að fá jákvæðari viðbrögð frá skipulagsyfirvöldum.
Kristján segir þörf á fleiri og stærri fiskverslunum hér á landi og telur markað fyrir þrjár til fimm stórar slíkar verslanir í framtíðinni.
Nánar er rætt við Kristján í Morgunblaðinu í dag.
