Juventus er sagt vera fremst í flokki nokkurra ítalskra félaga sem hafa áhuga á að fá Tijjani Reijnders til sín frá Manchester City.

Samkvæmt Football Insider fylgjast ítölsku stórliðin grannt með stöðu hollenska miðjumannsins, sem gekk til liðs við City frá AC Milan síðasta sumar fyrir 46,3 milljónir punda.

Reijnders, sem er 27 ára gamall og lykilmaður í hollenska landsliðinu, hefur vakið athygli fyrir frammistöðu sína á miðsvæðinu og ítölsk félög telja að hann gæti hentað afar vel aftur í Serie A.

Juventus hefur lengi haft áhuga á miðjumanninum og er talið líklegast til að gera formlega tilraun til að fá hann í sumar ef tækifæri gefst.

Óljóst er á þessari stundu hvort City sé tilbúið að hlusta á tilboð í leikmanninn, enda kom hann aðeins til félagsins fyrir tæpu ári síðan, en áhuginn frá Ítalíu fer vaxandi eftir því sem nær dregur félagaskiptaglugganum.