Helgi Fannar og Hörður Snævar gerðu upp þriðju umferð Bestu deildar karla í Íþróttavikunni.
Markús Páll Ellertsson er að slá í gegn fyrir ÍA í fyrstu leikjum tímabilsins, en hann hefur skorað í þeim þrjú mörk.
Þessi tvítugi leikmaður, sem er uppalinn Framari, kom heim frá ítalska C-deildarliðinu Triestina fyrir leiktíðina.
„Það er gaman að sjá Markús Pál. Það er eiginlega ótrúlegt að ekki fleiri lið hafi reynt við hann. Einhvern veginn dúkkar hann bara upp í ÍA.
Hann er virkilega öflugur, þrír leikir þrjú mörk. Það er gott fyrir Viktor Jónsson að fá smá hjálp, einhvern sem stígur upp,“ sagði Hörður.
Þátturinn er í spilaranum.
