Pep Guardiola, stjóri Manchester City, vonar að Vincent Kompany taki við liðinu einn daginn.

Spánverjinn er búinn að vera hjá City í áratug og telja flestir að það styttist í annan endann á tíma hans í Manchester. Hann á þó ár eftir af samningi sínum.

Kompany hefur áður verið orðaður við starfið, en hann er að slá í gegn með þýska stórliðið Bayern Munchen sem stendur. Hann er auðvitað fyrrum fyrirliði City og goðsögn innan félagsins.

„Ég hef tilfinningu fyrir því að það gerist fyrr eða síðar. Ef hann ákeður að koma aftur til Englands held ég að Manchester verði ofarlega í huga hans,“ segir Guardiola.

„Vonandi tekur hann við á einhverjum tímapunkti.“