Juventus er sagt fylgjast grannt með tveimur stórstjörnum í ensku úrvalsdeildinni fyrir sumarið.

Annars vegar er það Alisson Becker, markvörður Liverpool, sem er 33 ára og hefur verið lykilmaður liðsins undanfarin ár.

Hins vegar hefur ítalska félagið einnig áhuga á Bernardo Silva, miðjumanni Manchester City. Silva, sem er 31 árs, hefur verið einn besti leikmaður City og gegnt lykilhlutverki í velgengni liðsins.

Juventus hyggst styrkja hóp sinn verulega í sumar og lítur á þessa leikmenn sem mögulega lykilviðbót.

Silva fer frítt frá City í sumar en kaupa þarf Alisson frá Liverpool.