Bayern Munich tryggði sér sæti í undanúrslitum Meistaradeildarinnar eftir dramatískan 4-3 sigur gegn Real Madrid, þar sem samanlagt 6-4 sigur dugði Þjóðverjunum.
Leikurinn byrjaði með látum þegar Arda Güler skoraði strax á fyrstu mínútu og bætti síðar við öðru marki. Harry Kane og Aleksandar Pavlović skoruðu fyrir Bayern en Kylian Mbappé kom Real aftur yfir fyrir hlé.
Í seinni hálfleik var spennan gríðarleg og þegar Eduardo Camavinga fékk rautt spjald undir lokin nýtti Bayern sér liðsmuninn. Luis Díaz skoraði á 89. mínútu og sendi heimamenn áfram. Rauða spjaldið var umdeilt en Camavinga fékk tvö gul spjöld eftir að hafa komið inn sem varamaður, það seinna fyrir að tefja leikinn.
Það var svo í uppbótartíma sem Michael Olisie skoraði fjórða og síðasta mark leiksins fyrir Bayern og skaut liðinu áfram.
Í London tryggði Arsenal sér einnig sæti í undanúrslitum eftir 0-0 jafntefli gegn Sporting CP. Arsenal vann einvígið 1-0 samanlagt eftir sigur í fyrri leiknum.
Leikir kvöldsins buðu upp á mikla dramatík og ljóst er að undanúrslitin verða afar spennandi.
Arsenal og Atletico Madrid mætast í undanúrslitum og einnig Bayern og PSG.
