Lionel Messi stendur frammi fyrir lögsókn í Bandaríkjunum eftir að hafa misst af vináttulandsleik með landsliði Argentínu á síðasta ári.

Fyrirtækið VID, sem sérhæfir sig í skipulagningu íþrótta- og tónlistarviðburða í Miami, hefur höfðað mál gegn Messi og argentínska knattspyrnusambandinu. Fyrirtækið sakar aðila um svik og samningsbrot eftir að Messi spilaði ekki gegn Venesúela í vináttuleik árið 2025.

Samkvæmt málinu greiddi VID um sjö milljónir dollara fyrir réttinn til að halda tvo leiki, gegn Venesúela og Púertó Ríkó, með því skilyrði að Messi spilaði að minnsta kosti 30 mínútur í hvorum leik nema hann væri meiddur.

Messi sat hins vegar á bekknum í leiknum gegn Venesúela og fylgdist með úr stúku, en lék daginn eftir með félagsliði sínu Inter Miami.

VID heldur því fram að fyrirtækið hafi tapað milljónum dala vegna þessa, auk þess sem breyting á leikstað hafi valdið frekara fjárhagstjóni.

Málið hefur vakið mikla athygli, en hvorki Messi né argentínska sambandið hafa enn tjáð sig opinberlega um kæruna.