Mikil reiði hefur blossað upp meðal knattspyrnuáhugamanna og stjórnmálamanna í Bandaríkjunum eftir fregnir af mikilli hækkun á lestarmiðum í tengslum við HM í sumar.
Samkvæmt f´rettum gæti ferð milli New York og MetLife Stadium hækkað úr um 13 dollurum í yfir 100 dollara fram og til baka. Völlurinn mun hýsa átta leiki á mótinu, þar á meðal úrslitaleikinn.
Áætlað er að hækkunin nemi um 775 prósentum, sem hefur vakið mikla gagnrýni á FIFA. Samgöngufyrirtækið NJ Transit segir verð ekki endanlega ákveðið, en gagnrýnendur telja að kostnaður sé færður yfir á almenning.
Ríkisstjóri New Jersey, Mikie Sherrill, segir mikilvægt að skattgreiðendur beri ekki kostnaðinn af mótinu. Hins vegar hafa aðrir stjórnmálamenn gagnrýnt fyrirkomulagið harðlega.
Öldungadeildarþingmaðurinn Chuck Schumer segir ósanngjarnt að íbúar og ferðamenn þurfi að greiða slíkan kostnað á meðan FIFA hagnist um milljarða dala.
Málið hefur því aukið umræðu um kostnað og skipulag HM í Bandaríkjunum.
