Alexandra Jóhannsdóttir skoraði sigurmark Íslands gegn Úkraínu í mikilvægum leik í undankeppni HM í gær.
Ísland vann 1-0 og Alexandra skoraði eina markið með skalla í upphafi seinni hálfleiks.
„Það er alltaf gaman að vinna og extra gaman í þau fáu skipti sem ég skora,“ sagði hetja gærdagsins í samtali við 433.is eftir leik.
Hún var nokkuð sátt með spilamennsku Íslands í gær þó eitt og annað hefði mátt vera betra.
„Mér fannst við hafa geta nýtt svæðið á miðjunni betur. Mér fannst þær aðeins þéttari í seinni hálfleik og við hefðum getað skapað meira úr opnum leik.“
Íslenska liðið hefði getað unnið stærra. „Ekki spurning, 1-0 gefur ekki alveg rétta mynd af leiknum en þrjú stig eru þrjú stig.“
Ísland tekur á móti Englandi í næsta leik á laugardag.
Nánar er rætt við Alexöndru í spilaranum hér ofar.
