Gylfi Þór Orrason verður dómaraeftirlitsmaður á seinni leik Arsenal og Sporting í 8-liða úrslitum Meistaradeildarinnar í London í kvöld. Þetta kemur fram á vef KSÍ.
Úr færslu KSÍ:
Þetta er stórt verkefni fyrir Gylfa, sem er afar reynslumikill á þessu sviði, og ánægjulegt að sjá fulltrúa íslenskrar knattspyrnu með mikilvægt hlutverk þegar svona langt er komið í UEFA-móti félagsliða.
Um er að ræða seinni leik liðanna, en Arsenal leiðir viðureignina eftir eins marks sigur í fyrri leiknum. Dómarakvartett leiksins kemur frá Frakklandi og VAR-dómararnir frá Þýskalandi og Belgíu.
Meistaradeild UEFA (karlar)
London (Emirates Stadium)
Arsenal FC (ENG) – Sporting CP (POR)
