Pep Guardiola var spurður út í gott gengi síns liðs í Manchester City á vormánuðum og svar hans vakti athygli.
Sagði Spánverjinn, að því er virtist bæði í gríni og alvöru, að þar spilaði veðrið aðallega inn í.
„Sólin. Ég er ekki að grínast!“ sagði Guardiola, en eftir smá hikst á tímabilinu er City skyndilega farið að anda ofan í hálsmálið á toppliði Arsenal í ensku úrvalsdeildinni.
„Það er aldrei sól í Manchester. Ef það væri sól í nóvember værum við meistarar í janúar. Það er í alvöru sólin, skapið er betra.“
