Rafa Benítez gæti verið á förum frá gríska stórliðinu Panathinaikos eftir slakt gengi frá því hann tók við liðinu. Spánverjinn, sem er 65 ára, var ráðinn í október og skrifaði undir tveggja og hálfs árs samning sem á að vera sá launahæsti sem þjálfari hefur fengið í sögu grísku úrvalsdeildarinnar.

Nú á að reka hann en Sverrir Ingi Ingason er varnarmaður liðsins.

Byrjunin hefur þó valdið vonbrigðum. Panathinaikos hefur unnið 13 af 25 leikjum undir stjórn Benítez en tapað sex í öllum keppnum.

Samkvæmt grískum miðlum eru spennur farnar að myndast innan klefans. Sumir leikmenn eru sagðir ósáttir við vinnubrögð þjálfarans, sérstaklega undirbúning fyrir leiki, og telja að skorti á ítarlegri greiningu á andstæðingum.

Jafntefli á heimavelli gegn AEL um helgina jók þrýstinginn enn frekar. Liðið er nú í fimmta sæti deildarinnar, með leik til góða, en sex stigum á eftir Levadiakos í fjórða sæti.

Grískir fjölmiðlar herma að næstu tveir leikir geti ráðið úrslitum um framtíð Benítez: heimaleikur gegn Viktoria Plzen í Evrópudeildinni og svo útileikur gegn OFI. Náist ekki betri úrslit er talið líklegt að félagið grípi til breytinga.

Þá er einnig greint frá því að Panathinaikos hafi þegar skoðað mögulega arftaka. Þar er nefndur Igor Bišćan, fyrrum leikmaður félagsins, og sagt að fyrstu þreifingar hafi átt sér stað.