Þremur leikjum var að ljúka í ensku úrvalsdeildinni og var nóg um mörk.

Á Stamford Bridge var Chelsea komið í frábær mál gegn Leeds en Joao Pedro og Cole Palmer komu þeim í 2-0. Lukas Nmecha minnkaði muninn um miðjan seinni hálfleik og skömmu síðar jafnaði Noah Okafor með mjög skrautlegu marki.

Chelsea leitaði að sigurmarkinu og undir lokin klúðraði Palmer dauðafæri á ótrúlegan hátt, eins og má sjá hér að neðan. Allt kom fyrir ekki og lokatölur 2-2.

Vandræði Tottenham halda áfram og liðið er komið í alvöru fallbaráttu, en Newcastle rétti úr kútnum með sigri á þeim í kvöld. Malick Thiaw og Jacob Ramsey skoruðu í 1-2 sigri og er liðið um miðja deild.

Bournemouth vann loks 1-2 sigur á Everton, en stöðutöfluna má sjá hér að neðan.

Palmer just missed this against Leeds in injury time wtf pic.twitter.com/hBuYZ16beR

— Central (@WestHam_Central) February 10, 2026