Ruby Mathieson frá Glasgow í Skotlandi fagnaði 100 ára afmæli sínu á dögunum og voru margir sammála um að hún bæri aldurinn ansi hreint vel. Aðspurð um leyndarmálið að baki hinu unglega útliti sagði hún að það væri nokkuð einfalt.

Í ljós kom að leyndarmál hennar er ekki rándýr andlitskrem eða botoxsprautur. Þessi spræka eldri kona segist aldrei á ævinni hafa gengið með andltsfarða, ekki einu sinni þegar hún gifti sig. Segir hún að snyrtivörur séu af hinu illa og lætur sér þess í stað nægja að þvo andlitið á hverjum degi með köldu vatni.

Segir hún að þrátt fyrir að hafa orðið vitni að alls kyns tískustraumum í förðun í gegnum tíðina þá hafi hún aldrei freistast til þess að mála sig. Þá segir dóttir Ruby, hin 46 ára gamla Rona Mattis að hún hafi aldrei séð förðunarvörur á heimili sínu þegar hún ólst upp og telur hún að móðir sín hafi tekið upp þetta viðhorf af ömmu hennar sem notaði heldur aldrei farða á meðan hún lifði. Þá minnist hún þess að hafa ætíð séð móður sína drekka stórt glas af vatni á hverjum morgni og aldrei nokkurn tímann smakkað áfengi.

Sjálf segir Ruby að lykilinn að langlífínu sé „mikið af skosku lofti“ enda sé séu reglulegir göngutúrar hennar líf og yndi.