Spænski fjölmiðilinn AS á Spáni fullyrðir að dekk hafi sprungið á bifreið Diogo Jota sem varð til þess að hann og bróðir hans létust í nótt.

Samkvæmt frétt AS átti atvikið sér um klukkan 01:00 í nótt þegar Lamborghini bifreiðin hafnaði utan vegar og kviknaði í bílnum.

Bílinn var gjörónýtur eftir þetta hræðilega slys eins og sjá má hér að neðan.

Segir að dekkið á bílnum hafi sprungið þegar þeir bræður voru að taka fram úr öðru ökutæki. Við það hafi þeir misst stjórn á bílnum með hræðilegum afleiðingum.

Meira:
Lífið lék við Jota þegar hann lést – Gifti sig fyrir tveimur vikum og átti þrjú börn

Atvikið átti sér stað í Zamora héraði á Spáni þar sem slysið á að hafa átt sér stað á þjóðvegi A-52.

Jota var 28 ára gamall en hann var keyptur til Liverpool árið 2020. Hann lék áður með Wolves áður en hann fór til Liverpool.

Hann gekk í það heilaga fyrir tveimur vikum og átti þrjú börn með eiginkonu sinni.