Helgi Fannar Sigurðsson skrifar frá Sviss
Það fer ekki framhjá fólki sem statt er í hinum fallega bæ Thun í Sviss að hér er EM á næsta leyti. Borgin er vel skreytt í tilefni að mótinu og stemningin góð.
Íslenska kvennalandsliðið spilar fyrsta leik mótsins, gegn Finnum hér í Thun. Á pappírnum á þetta að vera þægilegasti leikurinn en finnska liðið er sýnd veiði en ekki gefin. Afar mikilvægt er þó að taka þrjú stig úr þessum leik.
Íslenska liðið tók fyrstu æfinguna í Sviss í gær og virðist vera ansi góður andi í hópnum. Hér að neðan má sjá myndir frá Thun í dag.
Dagskrá Íslands á EM
2. júlí gegn Finnum
6. júlí gegn Sviss
10. júlí gegn Noregi
