Arsenal er víst að íhuga það að selja vængmanninn Gabriel Martinelli sem hefur spilað stórt hlutverk með liðinu undanfarin ár.

Bæði Times og Athletic fjalla um málið en það síðarnefnda segir að Arsenal vilji fá 50 milljónir punda fyrir Brasilíumanninn.

Martinelli er samningsbundinn Arsenal til ársins 2027 en hann er til sölu ásamt Oleksandr Zinchenko og Reiss Nelson.

Arsenal vill fá auka fé til að kaupa leikmenn í sumarglugganum og gæti að lokum selt allt að sjö til átta leikmenn.

Aðrir leikmenn nefndir eru þeir Jakub Kiwior, Fabio Vieira og Albert Sambi Lokonga sem eru allir á fínum launum í London.

Nafn Martinelli á í raun ekki heima á þessum lista en hann er sá eini sem hefur spilað mikið undanfarin ár.