Gennaro Gattuso er nýr landsliðsþjálfari Ítalíu en þetta staðfestir blaðamaðurinn virti Fabrizio Romano.
Romano segir að samkomulag sé í höfn og mun þessi fyrrum landsliðsmaður taka við af Luciano Spalletti.
Þessi ráðning er ansi athyglisverð en Gattuso hefur ekki átt frábæran þjálfaraferil en var þó mjög öflugur leikmaður.
Gattuso er 47 ára gamall en hann hefur þjálfað lið eins og AC Milan, Napoli, Valencia og Marseille á sínum þjálfaraferli.
Gattuso var síðast í Króatíu hjá Hajduk Split en samningi hans þar var rift í þessum mánuði.
