PSV Eindhoven í Hollandi er búið að bjóða Króatanum Ivan Perisic nýjan tveggja ára samning í von um að halda leikmanninum næsta vetur.

Þetta kemur fram í Mundo Deportivo á Spáni en Perisic er þessa stundina á óskalista Barcelona eins og greint var frá fyrr í vikunni.

Athygli vekur er að Perisic er 36 ára gamall en hann myndi fá eins árs langan samning hjá þeim spænsku.

Perisic hefur lengi verið einn öflugasti leikmaður Króata en hann kom að 27 mörkum í 35 leikjum fyrir PSV á tímabilinu.

Barcelona gerir sér vonir um að fá Perisic frítt í lok mánaðarins en PSV er tilbúið að gera mikið til að halda lykilmanninum.