Bandaríska karlalandsliðið tapaði fjórða leik sínum í röð gegn Sviss í nótt, og það stórt.

Sviss leiddi 0-4 í hálfleik í Tennessee og var þetta í fyrsta sinn í 45 ár sem Bandaríkin fá á sig fjögur mörk í einum hálfleik.

Það hefur lítið gengið upp hjá Mauricio Pochettino þjálfara liðsins og hans lærisveinum undanfarið því þetta var fjórða tapið í röð. Liðið tapaði gegn Tyrkjum í síðustu viku og Kanada og Panama í mars.

Útlitið er því ekki gott aðeins ári áður en HM hefst, einmitt í Bandaríkjunum, Kanada og Mexíkó.

Þá undirbýr bandaríska liðið sig fyrir Gullbikarinn í Norður-Ameríku, sem hefst 15. júní.