Rúnar Kárason, fyrrverandi landsliðsmaður og einn besti leikmaður Íslandsmeistaraliðs Fram í handbolta, var gestur Helga Fannars og Hrafnkels Freys í nýjasta þætti af Íþróttavikunni.

Daði Berg Jónsson hefur farið á kostum á tímabilinu með Vestra á láni frá Víkingi. Er liðið í toppbaráttu og hefur hann átt stóran þátt í því.

Hann er aðeins 18 ára gamall, en því hefur verið velt upp hvort Víkingur kalli hann til baka um mitt mót.

„Ég held að Víkingur taki hann í glugganum eða þá að hann verði seldur út,“ sagði Hrafnkell um málið.

„Ef hann er að fara hefur hann allavega skilað ansi mörgum stigum í pokann fyrir Vestra,“ sagði helgi.