Lamine Yamal skrifaði nýlega undir nýjan samning við Barcelona og er í dag einn allra launahæsti leikmaður liðsins.

Margir miðlar segja að Yamal sé sá launahæsti en hann fær 325 þúsund pund á viku eða um 12 milljónir punda á ári.

Yamal er efnilegasti leikmaður heims en hann er í lykilhlutverki hjá Barcelona þrátt fyrir að vera aðeins 17 ára gamall.

Það er ljóst að fá félög í Evrópu munu geta fengið þennan frábæra leikmann á næstu árum en hann er samningsbundinn til 2031.

Það er þó kaupákvæði í samningi Yamal en það hljómar upp á einn milljarð evra og ef eitthvað félag borgar þá upphæð yrði Spánverjinn langdýrasti leikmaður sögunnar.

Yamal hefur nú þegar unnið EM með spænska landsliðinu og deildina með félagsliði sínu en hann lék á EM aðeins 16 ára gamall.