Stjörnur enska fótboltans dvelja nú margar í Dubai en ekkert verður spilað í ensku úrvalsdeildinni um næstu helgi. Fjöldi stjóra gaf því viku frí.
Harry Maguire fyrirliði Manchester United og Jordan Pickford markvörður enska landsliðsins skelltu sér í golf í gær.
Þeir félagar spiluðu á Els Club vellinum en með þeim var atvinnukylfingurinn Shane Lowry og vinur hans. „Frábær hópur í dag, auðveldur peningur fyrir Íra,“ skrifaði Lowry sem er frá Írlandi.
Maguire sagði að hann og Pickford myndu hefna fyrir þetta tap á heimavelli.
Fleiri leikmenn eru mættir til Dubai en Marcus Rashford, Jesse Lingard og Diogo Dalot voru allir saman á æfingu í gær.
Um er að ræða leikmenn United en líklegt er að Jesse Lingard yfirgefi félagið í vikunni og gangi í raðir raðir Newcastle.
Fleiri leikmenn eru staddir í Dubai en þar er Kevin de Bruyne leikmaður Manchester City, Jack Grealish og John McGinn eru þarna einnig en þeir félagar skelltu sér saman út á lífið á sunnudag.
