Arne Slot, knattspyrnustjóri Liverpool, segir að öll athygli sé á því að fá Alisson Becker aftur inn í liðið sem fyrst.

Brasilíski markvörðurinn hefur verið frá keppni í rúman mánuð vegna meiðsla aftan í læri, en hann er sagður vera nálægt endurkomu. Á sama tíma hafa sögusagnir tengt hann við Juventus.

Slot segir þó engan fókus vera á slíkar vangaveltur. „Við hugsum ekki um orðróm. Aðalatriðið er að fá hann aftur í markið sem fyrst,“ sagði hann.

Meiðsli Giorgi Mamardashvili hafa gert stöðuna erfiðari og því er þriðji markvörðurinn, Freddie Woodman, líklegur til að byrja næsta leik.

Slot segir að markmið Alisson sé skýrt, að snúa aftur til Liverpool og síðar spila fyrir Brasilíu á ný.