Jadon Sancho hefur gefið grænt ljós á mögulega endurkomu til Borussia Dortmund, samkvæmt nýjustu fregnum.

Enska landsliðsmanninum líst vel á að snúa aftur til félagsins þar sem hann sló í gegn á sínum tíma, og viðræður milli aðila hafa þegar átt sér stað. Dortmund er með allar helstu upplýsingar og fjárhagslegar forsendur á borðinu.

Sancho, sem er á mála hjá Manchester United, hefur þó fleiri valkosti í stöðunni og áhugi er til staðar frá öðrum félögum. Því er það nú undir Dortmund komið hvort félagið vilji ganga lengra í viðræðum. Hann kemur frítt þar sem samningur hans við United rennur út í sumar.

Þjálfari liðsins, Niko Kovač, er sagður hafa samþykktkomu hans innan félagsins, ef stjórnendur ákveða að setja Sancho í forgang.

Sancho þekkir vel til í Dortmund og gæti endurkoma hans reynst mikilvægt skref fyrir bæði leikmann og félag.