Gary Neville telur að titilbarátta Arsenal sé nánast úr sögunni eftir tap liðsins gegn Manchester City um síðustu helgi.
Eftir leikinn sást Declan Rice hvetja liðsfélaga sína og segja „þetta er ekki búið“, en Neville túlkar þau orð á annan hátt. Arsenal hefur aðeins unnið einn af síðustu sex leikjum sínum og gengið verið undir væntingum.
„Ef ég sæi Rice segja þetta, þá myndi ég hugsa: þetta er búið hjá ykkur,“ sagði Neville í hlaðvarpi. Hann bætti við að miðjumaðurinn hafi virst niðurbrotinn og ekki sannfærandi í orðunum.
This title race is going down to the wire. 👊 pic.twitter.com/XHITjrssy9
— Premier League (@premierleague) April 19, 2026
Neville, sem vann átta Englandsmeistaratitla með Manchester United, sagðist þó vona að Arsenal gæti svarað gagnrýninni.
„Þetta er góð tilraun til að hvetja liðið, en ég fann ekki fyrir trú,“ sagði hann.
Ummælin hafa vakið athygli í ljósi spennunnar í toppbaráttunni.
