
Gianluca Prestianni, kantmaður Benfica, hefur verið dæmdur í sex leikja bann af UEFA fyrir að hafa viðhaft hatursfull ummæli gegn samkynhneigðum í leik gegn Real Madrid í Meistaradeildinni í febrúar.
Leikurinn var stöðvaður eftir að Vinicius Junior sakaði hann upphaflega um kynþáttaníð, en ekki tókst að sanna þær ásakanir. Prestianni viðurkenndi hins vegar að hafa viðhaft annars konar hatursorðræðu og fær því styttra bann en ella.
Þrír leikir af sex eru skilorðsbundnir, en mörgum þykir refsingin heldur væg. Málið vakti mikil viðbrögð í vetur.