Chelsea hyggst reyna að stela Elliot Anderson undan nefi Manchester City og Manchester United í sumar.

Miðjumaðurinn, sem leikur með Nottingham Forest, hefur verið orðaður við bæði Manchester-liðin eftir sterkar frammistöður að undanförnu. Anderson gekk til liðs við Forest árið 2024 frá Newcastle United fyrir um 35 milljónir punda.

Talið er að verðmiðinn á leikmanninum sé kominn upp í um 100 milljónir punda og því yrði um stór kaup að ræða. Anderson, sem er 23 ára, á enn þrjú ár eftir af samningi sínum við Forest.

Chelsea virðist þó tilbúið að blanda sér af krafti í baráttuna og reyna að næla í leikmanninn. Baráttan um Anderson gæti því orðið ein sú heitasta á félagaskiptamarkaðnum í sumar.