Goðsögn Arsenal, Ian Wright, hefur lýst yfir miklum áhyggjum af gengi liðsins á lokaspretti tímabilsins.

Arsenal er enn á toppi Premier League en hefur misst stig undanfarið, meðal annars í 2-1 tapi gegn Bournemouth. Liðið gerði einnig markalaust jafntefli við Sporting CP í Meistaradeildinni, þó það hafi tryggt sér sæti í undanúrslitum.

Wright segir frammistöðu liðsins valda sér miklum vonbrigðum. „Það er sárt að horfa á þetta. Það er eins og þetta sé að detta úr höndunum á þeim,“ sagði hann.

Hann telur að mistök leikmanna og óstöðugleiki geti reynst dýrkeyptur í titilbaráttunni, sérstaklega þar sem Manchester City andar ofan í hálsmálið á Arsenal og á leik til góða.

Roy Keane var þó ekki sammála og taldi Wright vera að gera of mikið úr stöðunni, þar sem Arsenal er enn með sex stiga forskot.

Wright svaraði því til að ekkert sé sjálfgefið í baráttunni og að liðið þurfi að sýna meiri stöðugleika ef það ætlar að halda toppsætinu.