Liverpool gæti þurft að selja lykilleikmenn í sumar eftir að hafa varið um 450 milljónum punda í leikmannakaup án þess að vinna titil á tímabilinu.

Knattspyrnustjórinn Arne Slot segir að félagið verði að fylgja „selja til að kaupa“ stefnu í komandi félagaskiptaglugga. Liverpool féll úr leik í Meistaradeildinni eftir 4-0 tap samanlagt gegn Paris Saint-Germain og mun því enda tímabilið án titils.

Slot bendir á að breytingar séu óumflýjanlegar. „Við verðum að selja til að geta keypt. Félagið hefur áður sýnt að þessi leið getur virkað,“ sagði hann.

Nokkrir lykilmenn eru þegar á förum, þar á meðal Mohamed Salah og Andy Robertson sem fara frítt í sumar.

Þá er ekki útilokað að fleiri stór nöfn yfirgefi félagið til að skapa svigrúm fyrir ný kaup. Liverpool keypti meðal annars Alexander Isak, Florian Wirtz, Jeremie Frimpong og Milos Kerkez síðasta sumar.

Slot segir framtíðina þó bjarta ef félagið tekst að endurnýja hópinn á réttan hátt.