Harry Kane er að ljúka við byggingu á glæsilegu húsi sínu í Surrey sem hefur vakið athygli fyrir að minna á Buckingham Palace að sögn heimamanna.

Húsið, sem er metið á um 20 milljónir punda, er hannað í georgískum stíl með stórum gluggum og súlum við innganginn sem minna á konungshöllina í London.

Þrátt fyrir klassískt útlit er húsið búið nútímalegum lausnum. Þar má nefna sérstakan snúningspall fyrir bíla sem kostar um 20 þúsund pund og auðveldar að aka út úr bílakjallaranum.

Í kjallaranum er pláss fyrir allt að fimm bíla og er ljóst að Kane hefur lagt mikla áherslu á þægindi og öryggi.

Kane og eiginkona hans, Kate, virðast því hafa fjárfest í einu glæsilegasta heimili ensks knattspyrnumanns.