Jon Parkin, fyrrum framherji sem lék meðal annars með Hull City og Preston North End, hefur rifjað upp afar vandræðalegt atvik frá ferli sínum.

Parkin lauk ferli sínum hjá York City árið 2019 og segist ekki einu sinni hafa áttað sig á því að hann væri hættur fyrr en hann fékk svokallað P45-bréf sent í tölvupósti.

Hann ákvað að deila skjáskoti af póstinum á samfélagsmiðlum, en það sem hann tók ekki eftir var að neðst í myndinni sást lítil forskoðun úr myndasafni hans.

Þar leyndist mynd sem vakti mikla athygli, ljósmynd af kúki sem hann hafði sjálfur tekið fyrr um daginn. Fylgjendur hans stækkuðu myndina, tóku eftir þessu og færslan fór hratt í dreifingu.

„Ég hlýt að hafa verið ánægður með afraksturinn um morguninn, því ég tók mynd af þessu,“ sagði Parkin í hlaðvarpi og hló að atvikinu.

Myndin rataði jafnvel í fjölmiðla og Parkin segir í dag að hann hafi í raun „hætt með mynd af kúk í blöðunum“.

Atvikið hefur síðan lifað áfram sem eitt af skrautlegri sögum úr knattspyrnuheiminum.