Dominik Szoboszlai vill vera í mörg ár hjá Liverpool en hann segir ekkert að frétta af samningamálum sínum.
Szoboszlai er algjör lykilmaður fyrir Liverpool en á aðeins rúm tvö ár eftir af samningi sínum.
„Það hefur ekkert gerst varðandi nýjan samning. Ég verð samningslaus árið 2028 en ég legg inn vinnuna á hverjum degi og við sjáum hvað setur,“ segir hann.
„Ég elska að vera hér, elska stuðningsmennina og fjölskylda mín dýrkar að vera hér. Ég sé fyrir mér að vera hér lengi en það er í raun ekki í mínum höndum lengur. Ég er samt rólegur yfir stöðunni.“
