Landsliðskonurnar Glódís Perla Viggósdóttir og Karólína Lea Vilhjálmsdóttir voru gestir Helga Fannars Sigurðssonar í nýjasta þætti af Íþróttavikunni.
Töluvert var rætt og ritað um framtíð Þorsteins Halldórssonar landsliðsþjálfara eftir EM síðasta sumar, þar sem Ísland endaði á botni riðils síns án stiga. Veltu þær framtíð hans eitthvað fyrir sér?
„Ég held að maður hafi ekki pælt svo mikið í því. Þetta var ógeðslega mikið svekkelsi eftir á. Svo spilar þú bara síðasta leikinn og ferð heim. Það er enginn tími til að ræða hlutina eitthvað. Það er ógeðslega skrýtið,“ sagði Glódís.
„Það er líka svolítið erfitt fyrir leikmenn að spá í þessum hlutum,“ bætti Karólína við.
„Þetta er líka bara ekkert sem við ráðum neinu um,“ sagð Glódís að endingu um málið.
Nánar í spilaranum.
