Breiðablik hefur áhuga á að fá Hólmbert Aron Friðjónsson heim úr atvinnumennsku. Kristján Óli Sigurðsson í Þungavigtinni segir frá.
Hólmbert er á mála hjá Gwangju FC í Suður-Kóreu en samkvæmt fréttunum virðist hugurinn leita heim.
„Verulega virkt samtal á milli Breiðabliks og Hólmberts,“ sagði Kristján Óli í Þungavigtinni.
Sigurbjörn Hreiðarsson fyrrum fyrirliði Vals var gestur í þættinum.
„Gríðarlegur styrkur fyrir Breiðablik ef hann kæmi, ég man vel eftir honum sem senter með Stjörnunni gegn okkur í Val. Það var erfitt að eiga við hann,“ sagði Sigurbjörn.
Hólmbert er 32 ára gamall framherji en hann lék síðast hér á landi sumarið 2017 með Stjörnunni.
