Cristian Romero hefur sætt gagnrýni eftir að hafa yfirgefið völlinn í tárum í 1-0 tapi Tottenham Hotspur gegn Sunderland.
Romero meiddist í hné eftir samstuð við markvörðinn Antonín Kinský og þurfti að fara af velli um miðjan seinni hálfleik. Óttast er að meiðslin geti haldið honum frá keppni út tímabilið, sem væri mikið áfall fyrir Spurs sem eru í fallsæti.
Fyrrum enski landsliðsmarkvörðurinn Ben Foster gagnrýndi viðbrögð Romero og sagði þau senda röng skilaboð til liðsfélaga.
„Ef ég væri liðsfélagi hans vildi ég sjá hann hvetja liðið áfram, ekki fara af velli í tárum,“ sagði Foster.
Staðan var þegar 1-0 fyrir Sunderland og um 25 mínútur eftir af leiknum þegar Romero fór af velli.
Nýr stjóri Tottenham, Roberto De Zerbi, bíður nú eftir niðurstöðum úr myndatöku til að meta alvarleika meiðslanna.
Staða liðsins er því erfið á lokaspretti tímabilsins.
Romero is crying 😭😭😭😭😭 pic.twitter.com/Aupf1aOTkV
— Danis (@DanisMCFC) April 12, 2026
