Mohamed Salah á skilið að vera valinn besti leikmaður heims í lok árs að sögn liðsfélaga leikmannsins, Ryan Gravenberch.

Salah átti magnað tímabil með Liverpool á Englandi en hann skoraði 29 mörk og lagði upp önnur 18 í 38 leikjum.

Gravenberch var spurður út í það hvaða leikmaður ætti Ballon d’Or verðlaunin skilið á þessu ári og var svar hans nokkuð einfalt.

,,Þetta er erfið spurning en ég verð að velja liðsfélaga minn, Mohamed Salah,“ sagði Gravenberch.

Hollendingurinn hélt svo áfram og ræddi komu bakvarðarins Jeremie Frimpong frá Leverkusen en þau félagaskipti voru staðfest á dögunum.

,,Við þurftum í raun ekki að sannfæra hann. Hann var strax búinn að taka ákvörðun um að koma hingað og ég er hæstánægður með það.“