Manchester United lagði fram tilboð í Benjamin Sesko fyrr í dag en er félagið með fleiri á blaði ef ekki tekst að fá hann.
United er í hörkubaráttu við Newcastle um þjónustu Sesko og neyðist félagið til að horfa annað ef slóvenski framherjinn fer þangað.
Það hefur verið talað um Ollie Watkins hjá Aston Villa sem varaáætlun United en mun fleiri eru sagðir koma til greina.
Þar á meðal er Nicolas Jackson hjá Chelsea. Bláliðar eru opnir fyrir því að losa hann eftir komu Liam Delap og Joao Pedro í sumar.
Þá er Juventus til í að selja Dusan Vlahovic til United, en hann er ekki lengur inni í myndinni þar.
Loks eru Vangelis Pavlidis hjá Benfica og Samu Aghehowa hjá Porto á blaði, en Ruben Amorim stjóri United þekkir þá vel frá tíma sínum í portúgalska boltanum.
Bæði Pavlidis og Aghehowa röðuðu inn mörkum á síðustu leiktíð.
