Enskur knattspyrnumaður fékk fyrirgefningu hjá eiginkonu sinni með því að kaupa fyrir hana glæsilega Audi bifreið.
Skömmu áður hafði hann haldið framhjá maka sínum með Megan Moore sem er þátttakandi í Love Island.
Um er að ræða raunveruleikaþætti en ensk blöð geta af lagalegum ástæðum ekki nefnt nafn mannsins.
Hann festi kaup á Audi bíl eftir heimskupör sín og færði henni hann, bílinn er sagður kosta um 8 milljónir króna.
Höfðu maðurinn og Megan hist á skemmtistað í Englandi áður en hún flaug til Mallorca til að taka þátt í Love Island. Komst upp um allt enda leyndu þau ekki dálæti sínu á hvort öðru á staðnum.
Segja ensk blöð að eiginkonan og vinkonur hennar reyni nú allt til þess að kjósa Megan úr leik.
